د جامی پوهنتون د رهبرۍ هیئت د جامی د درملنې پوهنځی له ستاژرانو څخه د بیرجند د طبي علومو پوهنتون کې لیدنه وکړه
23 عقرب 1403
د ۲۲ لړم په نېټه، د جامی پوهنتون رهبرۍ هیئت د دې پوهنتون د درملنې پوهنځی له ستاژرانو څخه، چې د بیرجند د طبي علومو پوهنتون کې خپله ستاژ دوره تېروي، لیدنه وکړه. دا ناسته د ستاژرانو د ستونزو، ننګونو او تعلیمي اړتیاوو د اورېدو په موخه ترسره شوه.
په دې لیدنه کې، ستاژرانو خپلې ستونزې او اړتیاوې په بېلابېلو برخو کې شریکې کړې. د جامی پوهنتون رهبرۍ هیئت د یادو موضوعاتو ارزونه وکړه او د تعلیمي شرایطو د ښه والي او د هغوی د عملي مهارتونو د پیاوړتیا لپاره یې سپارښتنې وړاندې کړې.
دا لیدنه د دې څرګندویي کوي چې د جامی پوهنتون د تعلیمي کیفیت د لوړولو او د محصلینو د زدهکړې په بېلابېلو پړاوونو کې د ملاتړ لپاره ژمن دی.
