د کمپیوټر ساینس پوهنځی
-
پېژندنه
-
مرامنامه
-
لاسته راوړنې
-
تعلیمي مفردات
-
پلانونه
-
کنفرانسونه
-
جلسې
پوهنځی کمپیوټر ساینس د جامي پوهنتون د خپل رسالت پر بنسټ د معلوماتي سیستمونو او شبکې انجینرۍ په برخو کې د ځوانو کادرونو د روزنې او وړاندې کولو په هڅه کې دی. دا مسوولیت د ۸ تنو تجربه لرونکو استادانو په لرلو سره ترسره کوي.
پوهنځی کمپیوټر ساینس د ۱۴۰۳ کال په اوږدو کې د ټولنې اړتیاوو ته په پام سره د جامي پوهنتون په چوکاټ کې تاسیس شوی دی. د دې پوهنځی هدف د شبکې انجینرۍ او معلوماتي سیستمونو په برخو کې د متخصصینو روزنه ده.
د پوهنځی فارغان به په دولتي او غیر دولتي ادارو کې د سافټویر پراختیا، د معلوماتو مدیریت او ډیټابیس، شبکې او سایبري امنیت، معلوماتي سیستمونو او معلوماتي ټکنالوژۍ په برخو کې بوخت کارونه ترسره کړي.
لیدلوری
پوهنځی کمپیوټر ساینس، د کیفیت او نوښت ته په ژمنتیا سره، هڅه کوي چې د هېواد په کچه د یو مخکښ او معتبر پوهنځی په توګه وپیژندل شي.
مأموریت
پوهنځی کمپیوټر ساینس هدف لري چې د کیفیت زده کړو، تحقیق او نوښت له لارې مسلکي بشري ځواک روزي. دغه پوهنځی د ملي او نړیوالو همکاریو د پیاوړتیا له لارې هڅه کوي چې د محصلینو او استادانو لپاره د دوامداره زده کړې فرصتونه برابر کړي او د عوایدو ترلاسه کولو له لارې د پایدار پرمختګ او ټیکنالوژۍ په پرمختګ کې مرسته وکړي.
ارزښتونه
- اسلامي، اخلاقي او ملي ارزښتونه؛
- د قانون پلې کول او د اصولو او مقرراتو منل؛
- مسئولیت منل، یو بل سره مرسته کول او عدلت غوښتنه؛
- تخصصي، کیفیتي او شایسته کاري پریکړې؛
- د ازاد فکر او بیان احترام، د اسلامي ارزښتونو رعایت سره.
اهداف
- د کیفیت زده کړه او تدریس؛
- د ساینس او ټیکنالوژۍ په برخه کې د علمي او عملي تحقیقاتو پراختیا؛
- د متعهد، متخصص او کارآفرین بشري پانګې روزنه په کمپیوټر ساینس کې؛
- د ټیکنالوژۍ پلي کول او د سازماني مدیریت ښه کول؛
- د عوایدو زیاتوالی؛
- د ټولنې د ټولنیز او اقتصادي پرمختګ ملاتړ.