دانشکده د طب معالجوي پوهنځی

د جامي پوهنتون د درملنې طب پوهنځي

د جامي پوهنتون د درملنې طب پوهنځی د ۱۳۹۲ لمریز کال د دلوې میاشتې په ولایت هرات کې د مسلکي او ژمنو کدرونو د روزنې په موخه تاسیس شو. د دې پوهنځي تعلیمي نصاب د ملي او نړیوالو معیارونو سره سم برابر دی او د هېواد شرایطو ته په پام سره ترتیب شوی دی.

په تدریس کې د نوې میتودونو کارول، د معتبرو ریفرنسونو څخه ګټه اخیستل، او د عصري او مجهزو وسایلو او تعلیمي امکاناتو کارول د دې پوهنځي په لومړیتوبونو کې دي. د نظری او لابراتواري برخو لپاره د مجهزو وسایلو، کتابتون، مناسبو درسي فضاوو او د اسانتیاوو برابرول د محصلینو لپاره مهم دي.

د ظرفیت لوړول

د جامي پوهنتون د درملنې طب پوهنځي د باکیفیته تدریس تر څنګ د استادانو او محصلینو د علمي ظرفیت لوړولو لپاره اړینې اسانتیاوې برابرې کړې دي. د څېړنو کمېټې په جوړولو سره د علمي څېړنو ترسره کولو او د څېړنیزو مقالو په ملي او نړیوالو مجلو، کتابونو، او کنفرانسونو کې د خپرولو زمینه برابره کړې ده.

د شاملېدو پروسه

د دې پوهنځي محصلین د کانکور له لارې، چې د لوړو زده‌کړو وزارت رسمي هیئت په کې ګډون کوي، د پوهنتون د طرزالعمل مطابق شاملېږي.

د زده‌کړې موده

د دې پوهنځي د زده‌کړې دوره اووه کاله ده (۱۴ سمستره) چې د کریډیټ سیسټم له مخې ترسره کېږي:

• لومړي ۱۱ سمستره د نظري او عملي درسونو لپاره دي چې په ټولګیو، لابراتوارونو او تدریسي روغتونونو کې ترسره کېږي.
• په ۱۲م سمستر کې محصلین د ستاژ دورې ته ور پېژندل کېږي.

په دې دوره کې ټول مسلکي څانګې په عملي ډول د متخصصینو او علمي کدرونو تر څارنې لاندې په تدریسي روغتونونو کې د درسي مفرداتو مطابق تدریس کېږي.

نړیوال او ملي همکارۍ

د جامي پوهنتون د درملنې طب پوهنځي د کورنیو او بهرنیو علمي او درملنې مرکزونو سره د اړیکو په جوړولو سره د محصلینو لپاره د زده‌کړې او ستاژ دورو زمینه برابره کړې ده. دا کار محصلینو ته د دې توان ورکوي چې اړین مهارتونه ترلاسه کړي او د لوړو علمي دورو او د روغتیايي خدماتو په وړاندې کولو کې فعاله ونډه واخلي.

فراغت سند

د دې پوهنځي فارغان د لوړو زده‌کړو وزارت د معیارونو مطابق د (MD) علمي سند ترلاسه کوي.

د معالجوي روغتون

د جامي معالجوي روغتون په ۱۳۹۸ لمریز کال کې په هرات ولایت کې تاسیس شو. دا روغتون د لاندې تخصصي برخو درلودونکی دی:

• جراحي
• داخله
• ماشومان
• نسایي ولادي
• غوږ او ستونی
• عصبي جراحي
• د ملا تیر جراحي

دا روغتون د ناروغانو درملنې ترڅنګ محصلینو ته د عملي زده‌کړو زمینه هم برابروي.

لید (Vision)

د جامي پوهنتون د درملنې طب پوهنځي په پام کې لري چې د کیفیت تضمین معیارونو په رعایت سره د هېواد د طبي پوهنځیو په سر کې ځای ونیسي.

ماموریت (Mission)

د درملنې طب پوهنځی خپله دنده ګڼي چې د زده‌کړې او څېړنې د کیفیت په دوامداره وده سره د مسلکي او ژمنو طبي کدرونو په روزنه کې ګامونه پورته کړي. دغه ګامونه به د سازماني مدیریت په ښه‌والي، د ټکنالوژۍ په کارولو او د عوایدو په زیاتوالي کې مرسته وکړي، ترڅو د روغتیايي او ټولنیزو خدماتو انکشاف کې فعاله ونډه واخلي.

ارزښتونه (Values)

د درملنې طب پوهنځی د خپلو اهدافو د ترلاسه کولو لپاره لاندې ارزښتونه مراعاتوي:

• د اسلامي او ملي ارزښتونو رعایت او تحکیم
• د ملي یووالي او متقابل منلو وده
• د ټولنې پر حقه غوښتنو د مسئولیت منل او ځواب ویونکي کېدل
• د فکر او بیان د آزادۍ درناوی
• د قانون د واکمنۍ درناوی او د ښه حکومتدارۍ پر شاخصونو تمرکز
• د محصلینو او علمي کدر لپاره د پوهې پر بنسټ یوه ژوره او ښوونیزه فضا رامنځته کول
• سالم او اغېزمن مدیریت او رهبري

موخې (Goals)

د دې پوهنځي اصلي موخې په لاندې ډول دي:

• د لوړ کیفیت زده‌کړه او تدریس
• د عوایدو زیاتوالی
• د سازماني مدیریت انکشاف
• د علمي ظرفیت لوړونه
• ټولنیز او اقتصادي انکشاف

د درسي مواد فایل ډاونلوډ کړئ

ستراتېژيک پلان
عملیاتي پلان یو دقیق ټولنیز پلان جوړونې وسیله ګڼل کېږي چې د یوې ټاکلې موخې د ترلاسه کولو لپاره د سازمان ستراتېژي بیانوي. په داسې پلان کې په پام کې نیول شوې جزئیات د سازمان موثریت ته وده ورکوي او د سازمان مأموریت سره مرسته کوي چې ټاکلي لید ته ورسیږي.

عملیاتي پلان
عملیاتي پلان یو دقیق ټولنیز پلان جوړونې وسیله ګڼل کېږي چې د یوې ټاکلې موخې د ترلاسه کولو لپاره د سازمان ستراتېژي بیانوي. په داسې پلان کې په پام کې نیول شوې جزئیات د سازمان موثریت ته وده ورکوي او د سازمان مأموریت سره مرسته کوي چې ټاکلي لید ته ورسیږي.

عملیاتي پلان فایل ډاونلوډ

په درملنې پوهنځی کې فعال کمیټې د لاندې ترتیب سره دي:

۱- کمیته پلان استراتژیک
۲- کمیته تضمین کیفیت
۳- کمیته نصاب او کاریکولم
۴- کمیته نظم او دیسپلین
۵- کمیته کلتوري
۶- کمیته آموزش الکترونیک
۷- کمیته امتحانات
۸- کمیته تحقیقات
۹- شورا علمی